Bidasoako Kontrabandistak

Bidasoako Kontrabandisten ibilbidea.

2015eko maiatzaren 24tik 27ra.

224 kilometro eta 6400 metro positibo, 4 egunetan.

Bizikleta eta motxila bat soinean, ez da gehiagorik behar.

Askotan esaten dugu ez dela urrutira joan beharrik leku ederrak ezagutzeko, baina, beti gaude kanpora begira. Bateko eta besteko txokoekin amesten...etxean ditugunei jaramonik egin gabe. Bidasoako Kontrabandisten ibilbidea etxe ondoan dugun altxor bat da, mendi bizikletaz edo oinez egin daitekeena. Nire aukera, mendi bizikletaz lau egunetan burutzea izan da. Ibilbide gogorra da, dituen kilometro kopuruagaitik eta igo beharreko maldengaitik, horri eguraldi euritsua eta hotza gehitzen badiogu, zer esanik ez. 

Gps-rako trakak beraien webgunetik jeitsi daitezke.

http://www.kontrabandistak.com/home/lang/eu

Lehenengo eguna:

Hondarribi-Landetxa-Meaka-Erlaitz-San Anton-Aritxulegi-Domiko-Ollargarata-Arantza.

60km eta +2000m.

Lehen kilometroak mendi bizikletaren paradisua dira.

Aritxulegin ordea, eguraldia okertu eta paradisua inpernu txiki bilakatu daiteke.

Gps aparailua beharrezko bihurtzen da lanbro artean ez galtzeko.

Lanbro artean geldialdia.

Bigarren eguna:

Arantza-Elorriaga-Zubieta-Labaien-Udarregi-Mugakosoro-Belate, Arluz-Berroeta-Ziga.

64 km eta +2100m.

Eguna euritsua bada nekezagoa da bidea.

Uso lekua da eta ehiztarien aterpeak erabili daitezke eguralditik babesteko.

Lanbroa eta garaiera batu ezkero, hotza.

Zigako herria, Baztan bailaran.

Hirugarren eguna:

Ziga-Irurita-Etxaide-Beartzun-Basabar-Erratzu-Amaiur-Otsondo-Eskisaroi-Orozko-Etxalar.

56 km eta +1700m.

Hirugarren egunean ere berriz bustitzeko prest.

 Ez dago gure bidea itxiko duen langarik.

 Bada aterperik bidean.

 Amaiurko gazteluaren oroitgarria.

 Egunaren bukaeran egunero egin beharreko lana.

Laugarren eguna:

Etxalar-Lizaieta-Lizuniaga-Landagaineta-Ibardin-Biriatu-Hendaia-Hondarribia.

45 km eta +1000m.

Azken egunean eguzkia gurekin dator.  

Larrun mendiaren magaletan barna ibiliko gara.

 Zu hortik eta ni hemendik...

 Lapurdiko lurretan.

 Biriatuko herrian hirurak beranduegi dira bazkaltzeko.

 Matxurarik ez, arazorik ez.

Lau egunen buruan hasiera puntuan berriz.

Ta hauxe zan ba dana, lagunak!!!

Zelatun

Zelatun.

2015 maiatzak 3.

Mendi bizikleta.

Arrazoi garbirik gabe, batzuetan, zentzu askorik gabeko ibilbideak egitera bultzatzen gaitu zerbaitek.

Gustoko dugun pasabide bat dagoelako, bertatik ikusten denak preziorik ez duelako, jetsierak deitzen gaituelako, lekuak miresmena sortzen digulako...auskalo zer den.

Bitarteko bidea tramite hutsa bihurtzen da eta bertara iritsi birtartean ez gaude gustora.

Zelatungo lepoa leku horietako bat da.

Askotan izan gara bertan eta beste horrenbestetan izango garela badakigu.

Zelatunera bizikletaz igotzeko, Iturriotzetik irteten den bidea ez da logikoena, zentzuak Errezil aldetik igotzeko esan beharko liguke...baiña kasu egitea beste kontu bat litzateke.

Igoeran bidearen zati haundienean, bizikleta bizkar gainera jaso behar da eta jeitsieran...hori beste kontu bat da, nork berak ikusi behar...

   Urrunetik, itsas mailatik gatoz.

Guztira 42 kilometro pasa eta 1.000 metroko desnibela irtengo zaigu itzuli osoan. 

Galdutako indarrak berreskuratzeko leku paregabea.

Hona iristeko emandako pedalkada bakoitza ondo ordaindua da.

Hernioko tontorra oinez goazenerako utziko dugu.

Osorik jeitsi gera eta ez da gutxi...

Ta hauxe zan ba dana, lagunak!!!

Altitoy Ternua 2015

Altitoy Ternua 2015

Luz Saint Sauveur

Pirineoetako mendiko eskiko lasterketarik alpino eta herrikoiena.

Martxoak 7 eta 8an ospatu da Frantziar Pirineoetako Luz Saint Sauveur herrian 8. aldiz

Altitoy Ternua lasterketa ospetsua.

Gutariko batzuentzat, aurtengoarekin, parte hartzen dugun zazpigarren aldia da. Urratses urrats, ikusi dugu nola joan den eraldatzen, Pirineoetan ospatzen den lasterketa alpino eta herrikoiena izatera iritsi arte.

Alpinoena; antolatzen diren ibilbideen baitan zeharkatu eta igo behar diren arista eta  korridore ederrengatik. Herrikoiena aldiz; bertan parte hartzen duten mendiko eskiatzaile kopuruagaitik. Urtero bostehun lasterkari baino gehiago izaten bait gara.

2015eko Altitoy Ternua lasterketa ezagutarazteko bideoa.

Kale, Unai eta Egoitz larunbateko irteera gunean.

Larunbateko lasterketaren ostean, antolakuntzak atondutako argazki makinarekin, momentua gordetzeko aukera ongi aprobetxatu zuten Igorrek eta Kalek.

Martxoaren 7ko ibilbidea Bareges-eko eski estaziotik irten eta Pic du Midi mendiaren inguruetan
 egin zen.

Larunbat goizaldean irteera noiz emango zain...

Egoitz, larunbateko ibilbideko bigarren igoeran.

Igandean, Luz Ardideneko eski estaziotik Plateau du Bernazau aldera pasa eta Pic Ardiden inguruan osatu genuen ibilbidea.

Eitb-k Altitoy Ternua 2015-ari buruz egindako erreportaia ikusteko klikatu hemen.




Ta hauxe zan ba dana, lagunak !!!

Bandres + Karolo Memoriala 2015

Bandres + Karolo

Memoriala

2015

Otsailaren 20 eta 21ean ospatu zen Isaban Bandres eta Karoloren oroimenezko lasterketa hirugarren aldiz jarraian eta nola ez, han izan ginen gu.

Eguraldi txarrari aurre eginez giro ezin hobean pasa genuen asteburua.

Dudarik gabe, mendiko eskian gabiltzan guztiontzako, kontutan hartu beharreko zita bihurtu da.  

Klikatu ondorengo estekan ETBk lasterketari buruz eginiko erreportaia ikusteko.

ETBko Zu Kirolari saiokoek eginiko erreportaia.

Larunbateko kronoigoeraren ibilbidea.

Igandeko ibilbide luzearen nondik norakoak.

Isabako kale elurtuetan igandeko ibilbidea egin ostean.

Arkaitz eta Igor, biak sasoiko.

Unai...danak emanda!!!

Andoni, suhiltzailea sututa.

Imanol, eziña ekinez egina.

Larunbateko kronoigoera bukatuta irribarretsu.

Txapelik gabeko txapeldunak.

Ta hauxe zan ba dana, lagunak!!!

Auñamendi

Auñamendi, 2507 metro.

2015 urtarrillak 9.

Mendiko eskia.

Auñamendi, beti zorrotz.

Euskaldun askok Euskal Herriko mendirik altuenetzat badute ere, Auñamendi, Nafarroa eta Zuberoako mugetatik at gelditzen da erabat, oso gertu, bai, baina at. Hiru Erregeen Mahaia da altuena, Biarno, Huesca eta Nafarroaren arteko mugan. Biak, mendi bereziak euskaldunontzat.

Egunean bertan joan etorri azkar bat eginez mendiari bixita egiteko aukera baliatu dugu.

Goizean goiz etxetik irten eta iluntzean buelta, di da, nekatuak baina gustora.

Ta hauxe zan ba dana, lagunak !!!

La Pierre Saint-Martin

La Pierre Saint-Martin.

Arette.

2015 urtarrilak 1

Mendiko eskia

Dozenaka autokarabana Arette-eko aparkalekuan.

Urteari ongi etorria emateko mila modu badirenez, guk gureari eutsi diogu eta elurretara irten gara. Pirineoen hegoaldean elur eskasia dugunez, ipar isurialdera jo dugu, Arette-eko eski estaziora. Eguraldi atsegina, eski estazio eraberritua, elur nahikoa eta entrenamendu apur bat...zer gehiago behar dugu ba urtea ongi hasteko?

Goizeko aurreneko argiekin ekiten diogu pistetan gora.

Arlas mendia, 2044 metro.

Kale itzaletan, goizeko freskuran fokeatzen, Arlas berriz aurreneko argi izpien argitan.

Arlas-eko leporako maldak igotzen handik Arette aldera jeisteko.

Denok bilatzen dugu eskiekin gozatzeko momentua. 

"Nola aldatzen diren gauzak! kamarada." Abesten zuen batek.

Ta hauxe zan ba dana, lagunak !!!